निर्मला नगरी -मालगुंड, गणपतीपुळे.

 आंतरराष्ट्रीय सहजयोग सेमिनार गणपतीपुळे विषयी श्री माताजींची अमृतवाणी....

💐💫🌟🎉🎊🌹🌈

मराठी अनुवाद , कृपया वाचा,सर्वांपर्यंत प्रसारित करा आणि 2024 गणपतीपुळे सेमिनारला या!

"...श्री माताजींचा गणपतीपुळेला येण्याचा एक विशेष उद्देश आहे . हे विश्रांतीयोग्य अतिशय सुंदर ठिकाण तर आहेच परंतु त्यांनी हे शोधले आहे की याठिकाणी चैतन्य आहे जे तुम्हाला अगदी सहज स्वच्छ करते ."

प.पू .श्री माताजी. ३१ डिसें १९८५.

"... गणपतीपुळेला एक विशेष अर्थ आहे कारण तो महागणेश आहे . गणेश जे मुलाधारात असतात  विराटात ते महागणेश बनतात, ते मस्तिष्कमधे असतात. याचे मुख्य मूळ आहे अबोधिता, श्री गणेश आणि तो गणपतीपुळेमध्ये महागणेश होतो. इथे तो पितृत्वाने घेरलेला आहे, समुद्राचे गुरुतत्व, त्यामुळे तो इथे गुरू बनतो .

  इथे श्री गणेश त्याच्या पूर्ण परिपक्व स्वरूपात आहे .त्यामुळे आपणसुद्धा आपल्यामध्ये महागणेश विकसित करतो ... 

  अष्टविनायकांमध्ये ( आठ स्वयंभू गणेश ) येथील महागणेश पिठाधिश आहेत, ( पिठांचा अधिपती ) जे या पिठावर बसलेले आहेत, जे आठ स्वयंभू गणेश्यांची काळजी घेतात, त्यांचे रक्षण करतात ."

प.पू.श्री माताजी. १ जाने १९८६.

"... गणपतीपुळे सेमिनार किंवा तुम्ही याला काहीही म्हणा, मला माहित नाही तुम्ही देव आणि देवी यांच्या पवित्र परिषदेला काय म्हणाल ,परंतु हा सेमिनार मला तसाच खूप सांकेतिक आहे ,कारण हा सर्व जगाचे प्रतिनिधित्व करतो.हा संपूर्ण जगाच्या समस्या आणि उपायांचे प्रतिनिधित्व करतो. ही अतिशय सुंदर कल्पना आहे,मला माहीत नाही ही माझ्या डोक्यात कशी उत्पन्न झाली आणि मी तुम्हा सर्वांना भेटण्यासाठी या प्रकारची सुरेख परिषद सुरू केली ."

प.पू. श्री माताजी. २४ डिसें १९९०.

"... लोक अष्टविनायकाला जातात परंतु या महागणपतीला जात नाहीत.त्यांना याची कल्पना नाही . मी रत्नागिरीहून परत येत होते आणि मी खरेच खूप मोठा तारा या मंदिराच्या वरील भागात पाहिला .इतरांना तो दिसत नव्हता हा एक  प्रश्नच होता , त्यावेळी कोणताही सहजयोगी तो पाहू शकला नाही. तर मी त्यांना म्हणाले, त्या ताऱ्याचा पाठलाग करूया. तो खूप मोठा ,अतिशय मोठा,पण इतर ताऱ्या सारखा नव्हता,अगदी मोठा, खूप असामान्य होता ,परंतु त्यांना तो दिसला नाही.मी म्हणाले काही हरकत नाही. मी त्यांना हातखंब्यापासून वळण्यास आणि दुसऱ्या रस्त्याने जाण्यास सांगितले आणि आम्ही त्याचा बरोबर पाठलाग गेला ... आम्ही जेव्हा गणपतीपुळ्याला पोहोचलो तेव्हा उजाडले होते आणि सुरेख स्पष्ट दिसू लागले होते. मी हे विसरू शकत नाही आणि त्या सूर्योदयाच्या प्रकाशात आत्ता आपण आहोत ते खूप सुंदर ठिकाण पाहिले आणि मी म्हणाले , हीच ती जागा आहे जिथे असायला हवे , जिथे आपण सर्व सहजयोग्यांना सुद्धा आणायला हवे. खरेतर तुम्हाला हे माहीत आहे की रवींद्रनाथ टागोर यांनी अगोदरच या ठिकाणचे वर्णन केलेले आहे, या ठिकाणी जगभरातून लोक येतील आणि हे भारताच्या सागरी किनाऱ्यावर  होईल, त्यांनी हे भाकीत केले होते. परंतु जसा आश्चर्यकारकपणे मी या जागेचा शोध लावला तो शोध, ज्या तीन श्रेष्ठ माणसांनी ख्रिसताचा शोध लावला तसाच खूप चकित करणारा आहे .

 हे ठिकाण खरेच खूप भाग्यवान आणि सुरेख चैतन्यमय आहे.मी या ठिकाणी दोन दिवस राहिले आणि मी ठरविले हेच ते ठिकाण आहे जिथे सेमिनार होतील ."

प.पू. श्री माताजी . २५ डिसें १९९९. गणपतीपुळे.

आंतरराष्ट्रीय सेमिनार आणि ख्रिसमस पूजा 2024 चे निमंत्रण .

  श्री माताजींच्या परम कृपेत गणपतीपुळे, मालगुंड येथे  'निर्मला नगरी,'  22 डिसें 2024 रोजी आपल्या स्वागतासाठी थाटात उभी आहे . गणपतिपुळे सेमिनारला असा हा दैवी पूर्वइतिहास आहे . एखादा सहजयोगी एकदा सेमिनारला आला की पुन्हा पुन्हा येत राहतो ते या जागेच्या महात्म्यामुळेच.

 श्री माताजींच्या पदस्पर्शाने  पावन झालेल्या या ठिकाणी प्रवेशद्वारातून प्रवेश केला की कल्पवृक्षांची दुतर्फा रांग,आमराई आणि बगीचा आपले स्वागत करतो .

कॅम्पसमधे पोहोचल्यावर सर्वप्रथम भेट द्यायला हवा तो याच वर्षी आत निर्माण केलेला मेडिटेशन हॉल,तिथे श्री माताजींचे दर्शन घ्यावे आणि ध्यानस्थ बसावे. कार्यालय, डॉरमेटरीज, सूट्स, कॅन्टीन,लॉकर, CCTV यंत्रणा, लाईट, आणि सर्वांत महत्त्वाचे सेमिनार आणि सेमिनार आणि पूजेसाठी  चैतन्यमय वातावरण असलेला भव्य स्टेज,पूजारूम,श्री माताजींची रूम आणि  सभागृह अशा एकएक वास्तु दृष्टीस पडतात.  

 हजारो सहजयोग्यांना सामावून घेतील असे टेन्ट्स, डायनिंग एरिया, प्रदर्शन जागा, पार्कींग, फिल्टरचे मुबलक स्वच्छ पाणी, टॉयलेट्स, इ. अश्या अनेक सोयी सुविधा तिथे उपलब्ध आहेत . यामुळे सर्वांची निवास आणि भोजनाची उत्तम व्यवस्था तर होतेच त्याशिवाय होणारा आध्यत्मिक योग म्हणजे सेमिनारचा कळसच ठरतो .एकूणच हा सर्व परिसर नयनरम्य आणि देखणा आहे . 

 निर्मल नगरी समोरच आहे सुरक्षित, शांत, स्वच्छ आणि विस्तीर्ण समुद्र किनारा, अरबी समुद्र जो सकाळ , संध्याकाळ आपल्याला स्वच्छ करण्यासाठी सेवेत असतो .

  श्री गणेश (मूलाधार),समुद्र (नाभी,भवसागर), ख्रिसमस पूजा( आज्ञा), श्री महागणेश(विराट) आणि साक्षात श्री आदिशक्ती श्री माताजी (सहस्रार )यांच्यामुळे जी परम चैतन्याची  ऊर्जा मिळते आणि आध्यत्मिक उत्थानाला गती लाभते ती केवळ अवर्णनीय . श्री माताजींचे शोधकार्य आणि या जागेला लाभलेले आशीर्वाद यामुळेच या जागेचे आध्यत्मिक महत्व निर्माण झालेले आहे .

  म्हणूनच वाटते ,प्रत्येक सहजयोगी, बाल युवा, युवा शक्ती-मुले,मुली आणि बंधू, भगिनींने गणपतीपुळे सेमिनारला हजेरी लावायलाच हवी आणि सामूहिकतेचा, आध्यात्मिक उन्नतीचा आनंद द्विगुणित करायलाच हवा आणि निरानंद मिळवायला हवा.

तुम्हीतर याच पण इतरांना पण निमंत्रित करा.

            जय श्री माताजी !💐🎊🎉🌟💫🌈🌹