प्रांजली निफाडकर विवाह

जागोजागी भेटत असते माझी मुलगी 

कोणाच्याही मुलीत दिसते माझी मुलगी

                 तिला न रुचते नटणे-बिटणे, तरी नेहमी 

                  परीसारखी सुंदर दिसते माझी मुलगी

कर्जाचा हा डोंगर थोडा हलण्यासाठी

मुलासारखे राबत असते माझी मुलगी

                 घरी यायला मला जरासा उशीर होता

                आईसोबत जागत बसते माझी मुलगी

गळ्यात माझ्या घास उतरण्या 'नाही' म्हणतो

अवती भवती जेव्हा नसते माझी मुलगी

                 आठवते मज माझी आई अशीच होती

                 जेव्हा माझे डोळे पुसते माझी मुलगी

तिला न्यायला राजकुमारा उशिरा ये तू

अजून मजला अल्लड दिसते माझी मुलगी

अखेर ०३/०६/२०११ रोजी चि. सुशांत हा राजकुमार आला आणि चि. सौ. कां. प्रांजली प्रसिद्ध कवी श्री. आणि सौ. प्रदीप निफाडकर यांच्या मुलीशी विवाह करून घेऊन गेला. वधु वरास लग्ना निमित्त हार्दिक शुभेच्छा.