चैतन्य इंगळे, डोअरमोझो

 कोरोना योद्धा :

*डोअरमोजो*

Saturday Club Global Trust(SCGT) वाकड चाप्टर. सक्सेस स्टोरी क्रमांक पाच.

Business Category: Pest control & sanitization.

श्री चैतन्य इंगळे यांची ग्रॅज्युएशन पूर्ण करण्यातच  दमछाक झाली होती. खरंतर ज्यांना शिक्षण अवघड जाते,ज्यांची परिस्थिती प्रतिकूल असते, असेच विद्यार्थी पुढे जीवनाच्या परीक्षेत पास होतात. मिळेल ते काम करायचे या प्रयत्नातून त्यांनी यशदामध्ये करार पद्धतीने स्वागत कक्षातील नोकरी मिळविली. नोकरीला समांतर केटरिंग डिप्लोमा ,एम ए चे शिक्षण चालू ठेवले आणि यशदातच त्यांनी स्वच्छता, केटरिंग, मेंटेनन्स विभागात लक्ष घालून अनुभव पण मिळविला.

आयुष्यात घडणारा सकारात्मक किंवा नकारात्मक आघात आयुष्याला कलाटणी देऊन जातो. चैतन्यच्या बाबतीतही तसेच घडले. एकदा एका वरिष्ठ पर्यवेक्षकाने चैतन्यची काही चुक नसताना अपमानकारक भाषा वापरली. या आघाताने त्यांनी पुढच्या पाच मिनिटात नोकरीचा राजीनामा दिला.

आता जे काही करायचे ते स्वतःचा आणि घरच्यांचा स्वाभिमान,अभिमान वाढविणारेच असेल अशा इराद्याने त्यांनी पुढील वाटचाल सुरू केली. यशदात वेगवेगळ्या विभागात लक्ष दिल्यामुळे त्यांना कदाचित स्वच्छता या विषयात करिअर होऊ शकते असे वाटले असावे . समोर प्रश्नांचा डोंगर तर होताच परंतु न डगमगता त्यांनी झाडू,खराटा,फिनेल आणि बादली घेऊन लोकांची घरे साफसफाई करण्याच्या कामास सुरुवात केली. ग्रॅज्युएट मुलगा हे काम करू लागल्यामुळे मित्र ,नातेवाईक त्यांना हसत होते पण चैतन्यला मात्र या कामात वाव आणि भविष्य दिसत होते.

त्यांनी वर्धस ग्रुपची स्थापना केली . कष्ट,ओळखी, माऊथ पब्लिसिटी यामुळे कामे मिळत होती. आता कुठे व्यवसायाची गाडी रुळावर येत होती अशा काळात त्यांना ऐन तारुण्यात  हार्ट अटॅक आला. हॉस्पिटलचे सगळे उपचार पार पडले. वेदना असल्या की मन भावनात्मक होते. हॉस्पिटलायझेशनच्या काळातच त्यांच्यात समाज उपयोगी कामाची बीजे रोवली गेली आणि त्यांनी युनायटेड मराठा ऑर्गनायझेशनच्या कामास सुरुवात केली. यामाध्यमातून त्यांनी अनेकांना उद्योजक बनविले.

वर्धस ग्रुपच्या माध्यमातून स्वच्छता, सुरक्षा सेवा, होम क्लीनिंग अशा सेवा पुरविल्या जातात. यातून १८०० लोकांना करार पद्धतीने रोजगार उपलब्ध झाला.

सदर सर्व चालू असतानाच ग्राहक पेस्ट कंट्रोल आणि इतर सेवांची मागणी करत होते. यातूनच पुढे ५ मे २०१८ रोजी डोअरमोजोचा जन्म झाला. ( *92 3007 3007*)

आजपर्यंत श्री चैतन्य इंगळे यांना विविध संस्थांकडून गौरविण्यात आले आहे. यासंपर्कातूनच लोक त्यांना राज्यभर मार्गदर्शनासाठी बोलावू लागले. यामाध्यमातून त्यांना महाराष्ट्रात तीस हजारपेक्षा जास्त युवकांना उद्योगाचे मार्गदर्शन करण्याची संधी मिळाली.

जब जब जो जो होना हैं ।

तब तब तो तो होता हैं ।

मार्च २०२० मध्ये भारतात कोरोनात वाढ झाली आणि सगळी समिकरणेच बदलली.

कोरोनामुळे एकाबाजूला वर्धस ग्रुपच्या व्यवसायात ८०% घट झाली आणि १५०० करार पध्दतीच्या कर्मचाऱ्यांच्या नोकरीवर गदा आली. लॉक डाउनच्या काळात बिलिंग थांबले होते पण कर्मचाऱ्यांचे पगार चालू होते. कर्मचारी जीवाचा धोका पत्करून काम करत होते. दुसऱ्या लाटेत घरातल्या चौघांना कोरोना झाला होता. स्वतः जगतोय का मरतोय अशी भीतीदायक परिस्थिती अनुभवली आणि कोरोनाला हरवून परत आलो. पण ८०% आय टी आणि हॉस्पिटॅलिटी व्यवसाय बंद झाला तो दीड वर्षानंतरही पुन्हा पूर्ववत झालेला नाही. 

दुसऱ्याबाजूला डोअरमोजोच्या व्यवसायात २५० ते ३०० टक्के वाढ झाली. डोअरमोजोतुन ते पेस्ट कंट्रोलची सेवा देत होते. कोरोनामुळे सॅनीटायझेशन हा शब्द नव्याने वापरात आला. याचा इतका मोठा बिझनेस होईल याचा चैतन्यने विचारही केला नव्हता. पण या कल्पनाही न केलेल्या व्यवसायाने त्यांना प्रचंड काम,नाव आणि पैसे मिळवून दिले. सॅनीटायझेशनची गरज ओळखून त्यांनी सात लाख रुपये गुंतवणूक करून तुर्की वरून नऊ Ultra Low Volume Misting Machines दीड महिन्यात आयात केल्या. त्यानंतर श्री चैतन्य आणि त्यांच्या १० जणांच्या टीमचे कोरोना विरुद्धचे युद्ध सुरू झाले. गेल्या दीड वर्षात त्यांनी 24×7 सेवा देऊन १२००० पेक्षा जास्त पुणे आणि मुंबईत घरे,ऑफिसेस,बँका, दवाखाने, हॉस्पिटल्स,  कंपन्या,कार्पोरेट्स,अपार्टमेंस, सोसायट्या,इ. ठिकाणी सॅनीटाइज केल्या आहेत आणि विक्रमी काम करून लाखो रुपयांचा व्यवसाय केलेला आहे . यातील १०% व्यवसाय SCGT च्या नेटवर्क मधून झालेला आहे असे ते सांगतात.

सुदैवाने दहापैकी कोणालाही कोरोना झाला नाही. अर्थात कर्मचाऱ्यांची PPE किट वापरात होते आणि सर्व नियमांची काटेकोरपणे पालन करीत होते. खरंतर या कर्मचाऱ्यांच्या धाडसाला दाद द्यायला हवी आणि त्यांचे कौतुकही करायला हवे.

कोणतेही काम छोटे किंवा मोठे , चांगले किंवा वाईट नसते. मिळेल ते काम जर उत्कृष्ट तऱ्हेने केले तर दोन पैकी एक परिणाम होतोच. एकतर तुमच्यामुळे त्या कामाला प्रतिष्ठा मिळेल किंवा त्या कामामुळे तुम्हाला प्रतिष्ठा मिळेल. श्री चैतन्य इंगळे असे सांगतात की,"खरंतर मानव जातीवर असले महामारीचे संकट पुन्हा येऊ नये. पण या संकटाच्या काळात आम्हाला जनतेची सेवा करण्याची संधी मिळाली ही मोठी समाधानाची बाब आहे." कोरोनासारख्या या महामारीच्या काळात श्री चैतन्य आणि टीमने केलेले कार्य योध्या सारखे आहे त्यांना दोन्ही हात जोडून प्रणाम. 

प्रेरक,प्रशिक्षक,कथा लेखक-

योगीराज देवकर.

SCGT वाकड चाप्टर,सेक्रेटरी.

मो.9307133134

www.motivationacademy.in

त्रिकाया फूडस्, अक्षय दुसाने & पार्टनर्स

 Saturday Club Global Trust -Wakad Chapter. Success Story-Three.

*सर्वश्री अक्षय दुसाने,कौस्तुभ बाबर,कुणाल क्षीरसागर, अनुक्रमे SCGT-Wakad Chapter चे माजी चेअरमन,माजी ट्रेझरर व CC मेंबर तसेच रोहित माने, ट्रेझरर,SCGT-PCMC Chapter यांचे जॉईंट व्हेंचर- त्रिकाया फूड्स प्रा. ली .*

कोव्हीड-19 मुळे लोकांच्या वाट्याला आलेल्या लॉक डाउनचा परिणाम म्हणून आर्थिक किंवा व्यावसायिक नुकसान झाले नाही असे उदाहरण अभावानेच सापडेल . श्री अक्षय दुसाने यांचे A Loaf Story Multicuise Sandwich Outlet देखील यास अपवाद ठरले नाही. जानेवारी २०२० मध्येच त्यांनी भाडेतत्वावर असलेल्या जागेतील आऊटलेटचे सहा लाख रुपये खर्चून नूतनीकरण केले होते. लॉक डाउनमुळे १९ मार्चला आऊटलेट बंद करावे लागले. तीन महिन्यानंतर अन लॉक मध्ये ते सुरू केले होते परंतु अल्पप्रतिसादामुळे नुकसानीत चालवावे लागत होते. भाड्याचे काय असेल ते आपण नंतर पाहू, काळजी करू नका,असे म्हणणाऱ्या जागा मालकाने देखील पुढे काही तडजोड केली नाही किंवा सवलतही दिली नाही. आऊटलेट तोट्यात चालविण्यापेक्षा त्यांनी ते बंद करण्याचा निर्णय घेतला. दीड लाख रुपये थकीत भाडे दिले आणि ती जागा सोडली. त्यानंतर A Loaf Story च्या नवीन स्टोरीची सुरुवात झाली.

आऊटलेट चे फर्निचर आणि साहित्य कुठे ठेवायचे हा प्रश्न होता. चापटरच्या एक सदस्या सौ भारती मुरकुटे मॅडम मदतीस उभ्या राहिल्या आणि त्यांनी त्यांच्या युनिटच्या जागेत साहित्य ठेवण्यासाठी 

जागा निशुल्क उपलब्ध करून दिली. त्यांचे मानावेत तितके आभार थोडेच आहेत.

श्री दुसाने यांनी गरजेपुरतेच साहित्य घरी ठेवले होते. श्री अक्षय आणि त्यांच्या पत्नी उत्तम शेफ आहेत . त्यांनी सँडविच, केक,बिर्याणी,इ. ऑर्डर्स घेणे आणि स्वीगी , झुमाटो द्वारा वितरण उपलब्ध केले पण त्यालाही फारसा प्रतिसाद लाभला नाही कारण कोरोनाच्या भीतीच्या सावटामुळे लोकांनी आऊटसाईड फूड घेणे-खाणेच कमी केले होते.

श्री दुसाने यांच्या मनात आपण अजून काय वेगळे करू शकतो हा विचार चालू होता. साहजिकच क्लब मधील इतर मित्रांबरोबर त्यांची चर्चा होत होती. श्री अक्षय दुसाने ( Mob: 7620705231) नावाजलेले शेफ आहेत, त्यामुळे फूड प्रॉडक्ट R&D, प्रॉडक्ट डिझाइन आणि डेव्हलपमेन्ट या त्यांच्या क्षमता आहेत. श्री माने( Mob:9004055858 ) हे CA आहेत, त्यामुळे भांडवल उभारणी आणि व्यवस्थापन ही त्यांची खासियत आहे. श्री बाबर- Versatile Studio Pvt.Ltd.( Mob:9011044280) हे आर्किटेक्ट आहेत, त्यामुळे उद्योगासाठी जागा, शेड उभारणी, बिझनेस डेव्हलपमेंट या त्यांच्या जमेच्या बाजू आहेत. या तिघांनी एकत्र येऊन *त्रिकाया फूड प्रा.ली.* चे नामकरण आणि नोंदणी केली .श्री क्षीरसागर Globuzz Media (Mob:9766419516) हे पब्लिसिटी आणि मीडिया मॅन आहेत, कोणत्याही उद्योगाला लोकल ते ग्लोबल पोहचविण्यासाठी ते प्रसिद्ध आहेत ,तेही त्यांना जॉईन झाले. त्रिकाया ठरलेले नाव तसेच ठेवा असे म्हणून त्यांनी मनाचा मोठेपणा दाखविला आहे. 

दिवाळीच्या शुभ मुहूर्तावर Box of Happiness- Premium Handmade Designers Chocolate अशा कार्पोरेट गिफ्ट प्रॉडक्टने या व्यवसायचा श्रीगणेशा केला. गोल्ड आणि प्लॅटिनम असे व्हेरिएंट चाँकलेट कार्पोरेट गिफ्ट्सची  जाहिरात केली आणि ३००० बॉक्सेसच्या ऑर्डर्स मिळाल्या. यातल्या ९० टक्के ऑर्डर्स या केवळ Saturday Club मधील मेंबर्स ने दिलेल्या रेफेरन्स मुळे मिळाल्या होत्या. HDFC, Iffco Tokyo, K P Transport, अशा बऱ्याच कंपनीच्या ऑर्डर्स SCGT च्या नेटवर्क मुळेच मिळाल्या. त्रिकाया ला दिवाळीपूर्वी ऑर्डर्स पूर्ण करायला फक्त पंधरा दिवस मिळाले, त्यामुळे ते १८०० बॉक्सेस वितरित करू शकले आणि यामधून 296000 ₹ चे डन डिल्स झाले. चाँकलेटची चव सर्वांना इतकी आवडली की  HDFC तर पुढील वर्षीचे ऍडव्हान्स बुकिंग करून ठेवले आहे.

श्री अक्षयच्या घरी दिवाळीपूर्वी १५ दिवस चाँकलेटस बनविणे आणि त्याचे पॅकेजिंग करणे हे काम दिवस- रात्र चालू होते. विशेष बाब म्हणजे प्रॉडक्ट पॅकेजिंगसाठी अक्षयची फॅमिली तर होतीच , पण कुणालची बहीण, कौस्तुभचे वडील, रोहितच्या आई दररोज एकत्र जमत होते आणि मध्यरात्रीपर्यंत कामात मदत करीत होते. अगदी 'हम हैं राही प्यारके ,' चित्रपटात घेतलेल्या ऑर्डर्स वेळेत पूर्ण करण्यासाठी जसे भारलेले वातावरण होते तसेच वातावरण दुसाने यांच्या घरात तयार झाले होते . सर्वांच्या कायम स्मरणात राहील असा हा सुखद प्रसंग होता.

त्रिकाया फूड्स प्रा.ली. ही कंपनी लवकरच स्वतःच्या जागेत उभारण्यात येणार आहे . सध्या ते *एक्सप्रेस वडा-पाव* असे ब्रँड नेम ठरलेल्या प्रॉडक्टवर संशोधन करीत आहेत आणि Tuv Nord Pune या लॅब मध्ये प्रॉडक्ट टेस्टिंग सुरू आहे. शेफलेस बिझनेस अशी ही कन्सेप्ट आहे. याकरिता फ्रांचायजी नेटवर्क उभे केले जाईल आणि त्यांना सेंट्रलाईज्ड किचन मधून वैशिष्ट्यपूर्ण वडा वितरित केला जाईल. फ्रांचायजीने तो फक्त फ्राय करून सर्व्ह करायचा . कमीत कमी भांडवल गुंतवणुकीत जास्तीत जास्त प्रॉफिट मार्जिन मिळवून देणारे हे फ्रांचायजी बिसनेस मॉडेल असेल. कंपनीत वडा तयार झाल्यानंतर तो कूल कंडिशन मध्ये ठेवला जाईल. वातानुकूलित वाहनातून त्याची वाहतूक होईल आणि फ्रांचायजी कडे फ्रीझ मधेच साठविला जाईल. वड्याचे सेल्फ लाईफ जास्त असेल परंतु त्यात प्रिझरव्हेटिव्हीज नसतील. ग्राहकाने वडा कुठेही खाल्ला तरी त्याची चव,आकार,हेल्दी मटेरियल आणि आस्वाद एकसारखच असेल.

त्यापुढे चाट,व्हेज,नॉनव्हेज प्रॉडक्ट्स एकएक करून लॉन्च केले जाणार आहेत. याचे डिजिटल प्लॅटफॉर्मवर येण्यासाठी आवश्यक ते काम आघाडीवर आहे आणि महिनाभरात ते सर्वांना व्हिजिबल होईल. 

श्री दुसाने यासर्व घडामोडीचे श्रेय SCGT चे संस्थापक कै. माधावरवजी भिडे सर यांना देतात. त्यांच्यामुळेच हे क्लब , नेटवर्क आणि मित्रवर्ग निर्माण झाला आहे. श्री दुसाने पुण्यातल्या पहिल्या क्लब पासून क्लबचे मेंबर आहेत. ते म्हणतात , "श्री स्वप्नील कुलकर्णी हे PCMC रिजनल हेड आहेत. ते अतिशय उत्साही, कार्यक्षम आणि क्लब डेव्हलपमेन्टच्या बाबतीत आक्रमक भूमिका बजावतात . आमच्या प्रगती बाबत बोलताना त्यांचा मिळणारा ऍक्टिव्ह  सपोर्ट आम्ही विसरुच शकत नाही."

SCGT क्लबचे   चेअरमन, सेक्रेटरी,ट्रेझरर म्हणजे CST हे कोणत्याही क्लबचा कणा असतात . अशा पदांवर कार्यरत  पदाधिकारी स्वतःचा व्यवसाय करतकरत इतरांना पण व्यवसाय वाढीसाठी सर्वतोपरी सहाय्य करतात. पुण्यातल्या दोन SCGT चापटर मधील दिग्गज पदाधिकाऱ्यांनी एकत्र येऊन जर असे जॉईंट व्हेंचर उभे केले तर ते नावारूपाला येणारच आणि शिवाय याची चर्चा पण होणारच.

कथा लेखक- योगीराज हरिश्चंद्र देवकर. Saturday Club -Wakad Chapter. Secretary.

Mob: 9307133134.

www.motivationacademy.in

Oh My Homes, Vijay Navale & partners.

 *पुणे किंवा पिंपरी चिंचवड मध्ये घर,जागा किंवा कमर्शियल प्रॉपर्टी शोधताय ?*

OH MY HOMES सेवेसाठी तत्पर आहे ना !

Saturday Club Global Trust (SCGT) वाकड चाप्टर. यशोगाथा क्रमांक चार.

नदीसारखी कोणत्याही गोष्टीची सुरुवात लहानच होते. जसजसा प्रवास होतो तसतसा ती गोष्ट मोठमोठी होत जाते. रिअल इस्टेटच्या क्षेत्रात पुण्यात उदयाला आलेलं एक नवं नाव OH MY HOMES ( Partnership firm) चा प्रवास आता सुरू झाला आहे.

सर्वश्री बालाजी आयनूले,विजय नवले,गौरव गायकवाड आणि निलेश कुलकर्णी पुण्यात स्वतःसाठी एक जागा पहायला गेले होते. "आपल्यासारखीच इतरांचीपण  जागा शोधण्यात अडचण होत असेल ,त्यावर आपणच उपाय शोधला तर!" असा विचार निलेश कुलकर्णी यांनी बोलून दाखविला आणि प्रत्येकाचा स्वतंत्र व्यवसाय असूनही एकत्र येऊन त्यांनी नवीन व्यवसाय सुरू करायचे ठरविले. जागा विकत घ्यायची,प्लॉट करायचे आणि ते विकायचे पण याला जास्त भांडवल लागेल म्हणून हे पुढील टप्प्यात करायचे असे ठरले आणि सध्या घरे,जागा,कमर्शियल प्रॉपर्टी असा रिअल इस्टेटचा व्यवसाय सुरू करायचा हे निश्चित झाले.

SCGT प्रत्येक चाप्टर मध्ये विविध प्रकारचे व्यवसाय करणारे उद्योजक असतात. चाप्टर मेंबर सौ भारती मुरकुटे मॅडम मुळ पुणेकर नाव त्यांच्यामुळे ऑफिसला जागा शोधणे आणि मिळणे सोपे झाले. त्याशिवाय त्या फर्मच्या पाचव्या पार्टनरही झाल्या त्यामुळे फर्मला बळकटी मिळण्यास मदतच झाली. चाप्टर मेंबर श्री कुणाल क्षिरसागर, ग्लोबस मीडिया, यांनी अभ्यासकरून फर्मचे नाव सुचविण्यापासून ते ब्रँडिंग करण्यापर्यंत सर्वतोपरी  सहाय्य केले आणि OH MY HOMES हे नाव डिजिटल आणि सोशिअल मीडियात झळकले.

पुणे,पिंपरी चिंचवड मध्ये शिक्षण,नोकरी,वास्तव्य,  व्यवसायच्या निमित्ताने आलेल्या प्रत्येकालाच स्वतःचे हक्काचे घर,जागा किंवा कमर्शियल प्रॉपर्टी पाहिजे असते. कोणताही ग्राहक जेव्हा ऑफिसमध्ये येईल तेव्हा त्यांच्या गरजांचा सविस्तर अभ्यास करणे ,त्यानुसार अनेक प्रॉपर्टीचा शोध घेणे आणि विविध उपलब्ध पर्यायांची माहिती त्यांना देणे , त्यातल्या सुयोग्य अशा ३-४ प्रॉपर्टीज प्रत्येक्ष दाखविणे ,प्रॉपर्टीजशी निगडित कागदपत्रांपासून ते कर्जापर्यंतची सेवा एकाच छत्राखाली देणे , ग्राहकांचा व्हिजिट्स, धावपळीचा वेळ वाचविणे , लवकर निर्णय  होण्यास सहाय्य करणे, ग्राहकांची होणारी फसवणूक टाळणे,अशा उदात्त हेतूने OH MY HOMES ची निर्मिती झालेली आहे असे हे सर्वजण सांगतात. कारण या पाच जणांमध्ये जमीनदार, प्रवास, वाहतूक व्यावसायिक,   फर्निचर उत्पादक, विमा सुरक्षा पुरविणारे,कर्ज उपलब्ध करणारे असे सगळ्याप्रकारचे नेटवर्क असलेले भागीदार आहेत.

ओह माय होम्स. ऑफिस नंबर ००७ . ४था मजला. साई हेरिटेज. बालेवाडी फाटा. बाणेर. पुणे ४११०४५ या पत्यावर दहालाख रुपये खर्च करून १३५० चौ.फु.चे सुसज्ज ऑफिस तयार करण्यात आले आहे. सौ भारती मुरकुटे मॅडम यांच्या रागा ग्रुपने फर्निचर आणि सजावट केली आहे. स्वागत कक्ष,कॉन्फरन्स रूम,वेटिंग लॉबी,वर्क एरिया, केबिन्स, इ. सगळं कसं आटोपशीर बनविले आहे. २८ फेब्रुवारी २०२१ यादिवशी SCGT चे सेक्रेटरी जनरल श्री प्रदीप मांजरेकर सरांच्या शुभहस्ते १५०-२०० मान्यवर स्नेहजनांच्या उपस्थितीत टुमदार उदघाटन सोहळा पार पडला.चाप्टर मेंबर शेफ श्री अक्षय दुसाने यांनी अल्पोपहार व्यवस्था केली होती.

ला व्हीला, सॉलिडीअर,

व्हिटीपी रिऍलिटी,इ. या आघाडीच्या बांधकाम व्यावसायिकांसोबत व्यावसायिक करार करण्यात आले आहेत आणि काही करार पाईप लाईन मध्ये आहेत. ऑफिसच्या उदघाटनानंतर  महाराष्ट्रात 

पुन्हा दुसरा लॉक डाउन झाला तरीपण बरेच प्रस्ताव आता अंतिम टप्प्यात आले आहेत ही समाधानाची बाब आहे. ग्राहकाला जर बिल्डरकडे फ्लॅट घ्यायचा असेल तर ओह माय होम्सला वेगळे सेवाशुल्क द्यावे लागत नाही. जुनी,रिसेल प्रॉपर्टी घ्यायची असेल तर प्रोफेशनल पद्धतीने व्हॅल्यूएशन केले जाते आणि मध्यस्थी करून देणारा आणि घेणारा दोघांनाही परवडेल असा विन-विन मार्ग काढला जातो.

SCGT ही एक NGO आहे. ओह माय होम्सचे पाचही भागीदार SCGT वाकड चाप्टरचे मेंबर आहेत. हाताच्या पाच बोटांनी एकत्र येऊन मूठ आवळून ताकद वाढवावी असाच प्रकार या एकापेक्षा दुसरा सरस असणाऱ्या पाच भागीदारांनी केलेला आहे. त्यांची माहिती थोडक्यात-

एक- श्री बालाजी आयनूले. Advicrest Financial Services.(8888469660)

 ११ वर्षांचा अनुभव.४००० समाधानी ग्राहक.LIC,Star Health Insurance,IIFC,New India,etc. सोबत टायप. १२ वेळा MDRD, ३५ नॅशनल अवॉर्डस ,फायनान्शिअल प्लांनिंगसाठी लोक आवर्जून यांची सेवा पसंत करतात.

दोन- श्री विजय नवले.Liyan Clean & Care pvt.ltd.(9850959516) पिंपरी चिंचवड मधील स्थानिक जमीनदार आणि उद्योजक . इंडस्ट्री आणि रेसिडेंसियल क्लिनिंग उत्पादनांचे उत्पादक. यांच्या नेटवर्कमध्ये २-३हजार लोक सहज असतील.

तीन- श्री गौरव गायकवाड. Cononical Consultants pvt.ltd.(8855826287) होम आणि कमर्शियल करीता लोनची सुविधा पुरवितात. HDFC ,ICICI,SBI,AXIS Bank ,LIC housing finance,L&T housing finance,इ.संस्थांशी टायप आहे. योग्य मार्गदर्शन आणि तत्पर सेवा ही यांची खासियत आहे.शेकडो समाधानी ग्राहक ही यांची कमाई.

चार- श्री निलेश कुलकर्णी. Aakanksha Holidays & Logistics pvt.ltd.(8087830007) शापुरजी पालनजी यांच्याकडून बेस्ट व्हेंडॉर प्रमाणपत्र प्राप्त. कंपनीच्या स्वतःच्या १० बसेस आहेत. कार्पोरेट क्षेत्रात उत्तम कामगिरी. चांगलं बोलणं, माणसं जोडणं,हे यांचे विशेष गुण.

पाच- सौ भारती मुरकुटे.Raga Group.(9881171657) पिरंगुट येथे फर्निचर निर्मिती कारखाना. रेसिडेंसियल आणि कमर्शियल फर्निचर मध्ये क्वालिटीमुळे  नाव कमावले आहे. 

SCGT हा उद्योजकांचा असा एक प्लॅटफॉर्म आहे जिथे प्रत्येक क्लब मध्ये अनेक उद्योजक एकत्र येतात ,एकमेकांना सहाय्य करतात आणि सक्सेस स्टोरीज तयार होतात. वाकड चाप्टरच्या पाच जणांनी एकत्र येऊन भागीदारीत सुरू केलेला हा व्यवसाय हे वाकड चाप्टरचे अजून एक यश आहे. यशाची ही शृंखला अशीच चालू राहील याची खात्री आहे.

प्रेरक,प्रशिक्षक आणि लेखक- योगीराज देवकर.

SCGT वाकड चाप्टर,सेक्रेटरी.

www.motivationacademy.in

Out Bound Event.

 टीमची बांधणी करणारा Out Bound Event.

४ ऑगस्ट २०२१ रोजी Saturday Club Global Trust वाकड चाप्टरचा बहूप्रतिक्षित Out Bound Event वरसगाव धरण जलाशयाच्या किनारी सुर्या शिबीर येथे पार पडला. शेफ अक्षय दुसाने आणि लॉजिस्टिक सर्विसेसचे निलेश कुलकर्णी(चेअरमन, वाकड चाप्टर ) गेले ८-१० दिवस याच नियोजनात गुंतले होते. 

पुण्यातून वेगवेगळ्या ठिकाणावरून सकाळी पाच कार्स एक-एक मेंबरला गोळा करत निघाल्या आणि डोणज्यातल्या एका हॉटेलपाशी चहासाठी जमा झाल्या. क्लबचे लोक वेळ पाळतात हे वेगळे लिहायची गरज नाही. इथे चहा सोबत अक्षयने आणलेल्या सँडविचचा आस्वाद घेतला. एरवी सर्वांना फॉर्मल ड्रेस कोड मध्ये पहायची सवय झाली आहे. या इव्हेंटमुळे कोण बर्मुडात, कोण टी शर्ट आणि ट्रॅक पँट मध्ये होते त्यामुळे लागलीच कॅज्युअल वातावरण तयार व्हायला वेळ लागला नाही. त्यात लक्षात येणारा बदल जाणवला तो नारायण वझुरकर यांच्यात, एरवी गुरुजीच्या वेशात असलेल्या या पंडिताला स्पोर्ट वेअरच्या गणवेशात पाहून ओळखने  अवघड होते . ही प्रतिक्रिया पिरपाशा शेख पुन्हा पुन्हा देत होते आणि सगळे हसत होते .  एकूण काय तर सगळे एन्जॉयच्या मूड मध्ये होते. आपल्या प्रत्येकात एक लहान मूल दडलेले असते ते अशा प्रसंगात जास्त वर येते.

सह्याद्रीच्या कुशीत असलेल्या या परिसराला निसर्गाचे वरदान लाभले आहे. नागमोडी रस्ते,रस्त्याच्या आजूबाजूला ओढे,नाले,नदी किंवा धरणाचा जलाशय. हिरवाईने नटलेल्या डोंगररांगा ,ढग,ऊन,पाऊस यांचा चाललेला खेळ अशा प्रसन्न वातावरणात आम्ही ठीक ९.१५ ला  सुर्या शिबीर याठिकाणी पोहोचलो.

प्रवेशाचे सोपस्कार पार पडले , नाष्टा केला आणि बरोबर दहा वाजता आम्ही औपचारिक सेशन साठी ओपन पॅव्हेलीयन सारख्या हॉलमध्ये जमा झालो होतो. निलेश कुलकर्णी यांनी सदर इव्हेंटसाठी सर्वांचे आणि स्वप्नील कुलकर्णी ( रिजन हेड, PCMC रिजन )यांचे  स्वागत केले. इव्हेंट चे प्रयोजन आणि महत्व विषद केले आणि Team building activities साठी योगीराज देवकर यांच्याकडे सूत्रे सुपूर्त केली.

योगीराज देवकर यांनी Team building साठी बऱ्याच Ice breaking fun activities घेतल्या.यामुळे एकमेकांमधील मोकळेपणा वाढणे,आपापसात एकीची भावना वाढणे,सुसंवाद निर्माण होणे,परिचय वाढून मैत्रीत रूपांतर होणे,दैनंदिन गोष्टी विसरून इव्हेंट मधील सहभाग वाढणे,इ. उद्धेश साध्य होण्यास उपयोग झाला. नूपुर जोगळेकर यांचा ऍक्टिव्हिटीज मध्ये जिंकण्याचा सिलसिला यावेळीही कायम राहिला . तेजस चव्हाण आणि शिवशंकर बिंड यांच्या आऊट ऑफ बॉक्स थिंकिंगचे सर्वांना कौतुक वाटले.

त्यानंतर योगीराज देवकर यांनी SCGT Wakad Chapter मधील प्रत्येक सदस्यात, पर्यायाने ग्रुप मध्ये,तसेच त्यांच्या स्वतःच्या उद्योगात एकमेकांना सहाय्यक ठरणारी आवश्यक ती मूल्ये आणि धारणा वाढीस लागव्यात यासाठी OCTAPACE Culture वर आधारित अगोदर प्रश्नावली आणि त्यानंतर स्कोअरिंग शीट भरून घेतले आणि नंतर त्यावर आधारित सविस्तार चर्चा करण्यात आली.

संस्कृती मध्ये समाजात एक नागरिक म्हणून आपण जे ज्ञान,धारणा, कला,शिस्त,

नैतिकता,नियम,रूढी,योग्यता आणि सवयी प्राप्त केलेल्या असतात त्यांचा समावेश होतो.

तर कोणत्याही संस्थेच्या संस्कृतीमध्ये हेच सगळे पण सामूहिक स्वरूपात आढळते यात प्रामुख्याने सामूहिक मूल्ये,सामूहिक धारणा आणि सामुहिक तत्वांचा समावेश होतो.

चांगली मूल्ये,धारणा ,तत्व यांची सुरुवात व्यक्ती, कुटुंबापासून होते आणि मग त्याचे प्रतिबिंब समाजात किंवा संस्थेत आढळते. अशा आठ संस्कृतीवर्धक मूल्यांबाबत इथे चर्चा झाली.

तीन तास चाललेल्या सेशनच्या समारोप प्रसंगी स्वप्नील कुलकर्णी यांनी पोषक विचार व्यक्त केले आणि आभार मानून ग्रुपच्या वृद्धीसाठी शुभेच्छा दिल्या.

लंच नंतर सर्वांनी परिसरात फेरफटका मारला. बंदीस्त असलेले अनेक पक्षी पाहिले.इतर सुविधा आणि वनराईचा आनंद घेतला,फोटो सेशन झाले आणि मग ज्यांना पोहायचे होते ते एक एक करून स्विमिंग टॅंक मध्ये उतरले.

यावेळी ग्रुप मध्ये शिवशंकर बींड, सतीश झणझणे, नंदकुमार कलागते हे तुलनेने नवीन सदस्य होते पण तेही अगदी अक्षय दुसाने,तेजस चव्हाण,कौस्तुभ बाबर अशा जुन्या जाणत्या(माजी CST)मेंबर्स इतकेच हिरीरीने सहभागी झाले होते. नूपुर जोगळेकर,भारती मुरकुटे,चैतन्य इंगळे,विजय नवले,रवींद्र बोराडे,या सर्वांनी ह्या इव्हेंटचा आनंद घेतला.

SCGT आणि सर्व आयोजकांचे आभार .

संध्याकाळी पाचच्या दरम्यान पावसाच्या आल्हाददायक वातावरणात गरमागरम भजी आणि चहा घेऊन आम्ही ते ठिकाण सोडले. सध्याच्या अनिश्चिततेच्या वातावरणात प्रत्येकालाच असा ब्रेक हवा होता पण यामुळे इव्हेंटला हजर असणाऱ्या १६ पैकी   प्रत्येकाला त्याच्या व्यवसायत देखील ब्रेक थ्रू मिळेल हे मात्र नक्की.

लेखक- योगीराज देवकर.

वाकड चाप्टर, सेक्रेटरी.

कोरोना काळातील लग्नाचे आमंत्रण. एक काव्य.

 कोरोना काळातील लग्नाचे आमंत्रण

या काव्यात संत आणि सामान्य माणूस तसेच लग्नघरातील श्रीमान,श्रीमती अशी चार काल्पनिक पात्र आहेत. कोणाच्या प्रसंग अथवा घटनेशी हे जुळत असेल तर हा निव्वळ योगायोग समजावा. संत म्हणजे आध्यात्मिक मार्गाने जाणारा आणि पारमार्थिक सुख पाहणारा व्यक्ती,तर सामान्य माणूस म्हणजे चारचौघा सारखे जीवन जगणारा आणि भौतिक सुख पाहणारा व्यक्ती. श्रीमान मायक्रोअँग्रेशनची(अहंकार) शिकार,तर श्रीमती हतबलता दर्शविणारी व्यक्तीमत्व होत. समाजात आपल्या आजूबाजूला अशी नाट्ये  घडत असतात . आपण आपले डोळे,कान उघडे ठेवले की ती अनुभवास येतात. 

*काव्य*

संत असो वा सामान्य माणूस एकसारखाच स्वार्थी असतो हेच खरे.

दोघांनाही वाटते पन्नास आमंत्रितांच्या यादीत आपले नाव असेल तर बरे ।

संत सुध्दा तुला आलंय का आमंत्रण असे याला त्याला विचारात असतो.

लगीन घरातल्यांना अजून माझे नाव कसे नाही सुचले विचार करत बसतो ।।१।।

श्रीमान,श्रीमती यापैकी कोणाला बरे पुश करावे याचे चिंतन करत असतो.

श्रीमान काय, अन श्रीमती काय शेवटी रक्ताची असतात तीच आपली हे उमजतो ।

दोघांनीही जर काही इलाज नाही म्हटले तर अवघड होऊन बसेल..मग तत्पूर्वीच,

भात्यातील कोणती बरे शस्त्रे वापरावीत हे साक्षात देवालाच विचारतो ।।२।।

मी मुलीचा किंवा मुलाचा मामा असतो तर किती बरे झाले असते.

लगीन घरच्यांना ब्राह्मणानेच सांगितले असते की मामाला बोलवायचे असते ।

मुलांचा मामा नसलो म्हणून काय झाले,आण्णा,दादा सारखाच एखादा मामाही असतो.

मामा या लाभलेल्या उपाधीचा लाभ अश्यावेळी नाही तर मग कधी होणार असतो ।।३।।

फोनचा मेसेज वाजला,दुसऱ्याला फोन आला तरी पहात अथवा विचारत असतो .

अरे देवा ! मी तर अजून इथेच आहे, माझी दखल का घेत नाही म्हणून खट्टू होऊन बसतो ।

त्यापेक्षा श्रीमतीला फोनच केलेला बरा, हवा-पाण्याच्या गप्पा माराव्यात म्हणतो .

फोनवर बोलताना आमंत्रणाचे आठवणारच नाही असे कसे होईल हे तो हेरतो ।।४।।

देवाकडे नमस्कार, विनवण्या,प्रार्थना सारे काही अगदी मनोभावे करतो.

हे सगळे जगासाठी करायचे असते असे म्हणणारा यावेळी मात्र स्वतःसाठी करतो ।

संत असूनही ध्यान,झोप लागत नाही आणि सारे संतुलन गमावून बसतो .

अजून कसे फळ मिळाले नाही म्हणून चेहरा चिंताग्रस्त करून असतो ।।५।।

शेवटी एकदाची प्रार्थना लागू होते, कुटुंबप्रमुखाचा फोन येतो,मग चेहऱ्यावर लाली झळाळते .

डोळ्यात बालिश ,निरागस तेज वाढते आणि गालावर हास्याची लकेर उमटते ।

सर्वांच्या आधी मी कसे माझे तिकीट निश्चित केले याचा वेगळाच आनंद दाटतो.

कोरोनाच्या काळात हवाई प्रवासाच्या तिकिटापेक्षा याच तिकिटाची किंमत जास्त वाटते ।।६।।

जनसंपर्क मोठा असेल तर ? तर हा , पन्नास लोकांची यादी बनविणे अवघडही असेल.

पण नावांची पसंती ठरविताना लग्नघरात नक्की कोणाचे बरे चालत असेल ?

हा माहेरचा,तो सासरचा,हा असा,अन तो तसा,अशी चर्चा तिथेही झडत असेल .

पण राज्यपाल नियुक्त आमदारांची यादी तयार करण्या इतके का ते अवघड असेल ?।।७।।

या पन्नास नावांच्या भानगडीत ज्यांनी आपला पाहुणचार घेतलेला आहे ते सुद्धा बदलतात.

आपल्या टॉप मोस्ट फायद्याचे कोण आहेत, त्यांचीच नावे फक्त ते नक्की करतात ।

उशिरा का होईना ज्याला तोंडी आमंत्रण येते तो आनंदतो अन सुखावतो .

प्रथा,परंपरे प्रमाणे ज्याला आमंत्रण दिले गेले नाही तो मात्र दुखावतो अन दुरावतो।।८।।

आयोजकांचा होमवर्क कच्चा असेल तर आमंत्रितांपैकी ऐनवेळी नकार देणारी संख्या वाढते .

आता मात्र जे वेटिंग लिस्टवर होते वा ग्रहित नव्हते त्यांना कॉल करायची धांदल उडते ।

अशा वेळी घाई करायची नसते, तुम्ही वॉन्टेड होता का अनवॉन्टेड हेही पहायचे असते.

कोणामुळे तरी रिकामी झालेली जागा भरायला न मिळाल्यासारखे जायचे नसते ।।९।।

लग्नाच्या ठिकाणी तुम्ही वॉन्टेड होता का अनवॉन्टेड हे समजणे फारच सोपे असते.

वॉन्टेड ला नमस्कार, चमत्कार आणि अनवॉन्टेडला साधी नजरेला नजर सुद्धा नसते ।

वॉन्टेडच्या डोक्यावर फेटा बांधला जातो आणि खायचं-प्यायचं असतं म्हणून तोंडावर मास्क नसतो .

अनवॉन्टेडला खायचं-प्यायचं नसतं म्हणून तोंडावरचा मास्क तसाच असतो अन डोक्यावर फेटा नसतो ।।१०।।

तसंही कोरोनामुळे सोशिअल डिस्टनसिंग, सँनीटायझेशन आणि मास्क वापरायचा आहे.

लग्नाच्या भाऊगर्दीत तुम्ही होता काय आणि नव्हता काय कोणाला समजणार आहे ।

सरकार सावध करतंय, दिवाळीनंतर कोरोना वाढतोय,उगाच कशाला गर्दीचा भाग व्हायचे आहे.

सध्या सगळं कसं ऑनलाईन आहे, वधु-वराला घरात बसूनच आशीर्वाद व शुभेच्छा द्यायची ही वेळ आहे ।।११।। 

योगीराज देवकर.

www.motivationacademy.in

प्रेरक,प्रशिक्षक,लेखक.

२२/११/२०२०

मयूर इंगळे, एनविरो स्मार्ट

 Saturday Club Global Trust -Wakad Chapter. Success Story-Two.

श्री मयूर इंगळे- एनविरो स्मार्ट.

At present Mr Ingale is not active in this business since March 2021 end. The care of the business is being taken by his partner.

एनविरो स्मार्ट ही फर्म इंडस्ट्रियल ऑइल,लुब्रिकेन्ट्स, लाईट डिझेल ऑइल (LDO), बायो-डिझेल किंवा फ्युएल, या उत्पादनांची सप्लायर आणि ट्रेडर्स आहे. या उत्पादनांचा उपयोग प्रामुख्याने इंडस्ट्री आणि ट्रान्सपोर्ट या विभागात केला जातो. पुणे जिल्ह्यातील रांजणगाव, चाकण,मरकळ आणि कुरकुंभ एम.आय.डी. सी. मधील काही उद्योगांना त्यांच्यामार्फत इंडस्ट्रियल ऑइल आणि LDO चा पुरवठा होत आहे.

एनविरो स्मार्ट कडे तीन आणि सहा हजार लिटर क्षमतेचे डिस्पेन्स मशीनसह बायो-डिझेलची वाहतूक करणारे दोन टँकर्स आहेत. याद्वारे ते किमान १०० लिटर्स पासून ते कमाल ६००० लिटर्स पर्यंतच्या ऑर्डर्स स्वीकारतात आणि ग्राहकाला जागेवर जावून मालाचा पुरवठा करतात.

एनविरो स्मार्ट द्वारा पुरवठा केले जात असलेले बायो-डिझेल हे एक विशेष उत्पादन आहे. इको फ्रेंडली, पारंपरिक डिझेलच्या तुलनेत ५ ते ६ रुपयांनी स्वस्त , इंजिनचा चांगला पिकअप आणि कार्यक्षमतेत वाढ ही बायो-डिझेलची खास वैशिष्ठे आहेत. त्यामुळेच वाहने आणि जनरेटर्स साठी बायो-डिझेलचा वापर वाढताना आढळत आहे.

अगदी १५मार्च २०२० पर्यंत त्यांची दरमहा साधारणपणे २५ ते ३० हजार लिटर्स बायो-डिझेलची विक्री होत होती. कोव्हीड-19 मुळे लॉक डाउन झाला आणि अन लॉक होईपर्यंत त्याची विक्री मोठा शून्य झाली . दरमहा लाखभर रुपयांचा स्थिर खर्च सुरू होता आणि दोन्ही कामगारांना काही काम उरले नव्हते. अन लॉक सुरू झाला तशा काही इंडस्ट्रीज सुरू झाल्या आणि LDO आणि इंडस्ट्रियल ऑइल या उत्पादनांना मागणी सुरू झाली परंतु अजून ट्रान्सपोर्ट सुरू झाला नव्हता.

श्री इंगळे हे SCGT-Wakad Chapter चे मेंबर आहेत. तिथेच त्यांची श्री निलेश कुलकर्णी यांच्याबरोबर ओळख झाली. प्रथम श्री कुलकर्णी यांनी त्यांच्या बसेससाठी या बायो-डिझेलचा वापर केला. त्यामुळेच श्री कुलकर्णी यांना या उत्पादनाबद्दल खात्री पटली . पुढे हाच मुद्दा श्री इंगळे यांना व्यवसाय मिळवून देण्यास गेम चेंजर ठरला.

श्री निलेश कुलकर्णी यांनी श्री इंगळे यांना गिरीकंद ट्रॅव्हल्सचा रेफेरन्स दिला. गिरीकंद ट्रॅव्हल्सने यापूर्वी दुसऱ्या उत्पादकांचे उत्पादन वापरले होते परंतु त्यांचा अनुभव चांगला नव्हता. श्री कुलकर्णी यांनी अगदी आग्रहाने श्री इंगळे यांच्याकडून बायो-डिझेल विकत घेण्याची शिफारस केली आणि दर्जाबद्दल खात्री दिली . गिरीकंद ट्रॅव्हल्सने सुरुवातीस ट्रायल साठी थोडे बायो-डिझेल घेतले आणि वर उल्लेख केल्याप्रमाणे अनुभव आल्यानंतर त्यांनी एनविरो स्मार्टला  आतापर्यंत अनेकवेळा रिपीट ऑर्डर्स दिलेल्या आहेत आणि जानेवारी 21 पर्यंतच 25,00,000 ₹ किंमतीचे बत्तीसहजार लिटर पेक्षा जास्त बायो-डिझेल खरेदी केलेले आहे आणि ही खरेदी भविष्यात अशीच  सुरूच राहणार आहे. हा व्यवहार असाच सुरू राहील तर  2021 मध्येच त्यांचा हा बिझनेस एक कोटीपेक्षा जास्त होईल असा एक अंदाज आहे.

वाकड चापटरचे आणखी एक सदस्य श्री विजय नवले देखील श्री इंगळे यांच्याकडून बायो-डिझेलची खरेदी करीत आहेत.

क्लब जॉईन करण्यापूर्वी अपेक्षा केल्याप्रमाणे घटना घडत आहेत त्यामुळे श्री इंगळे यांनी Saturday Club Global Trust-SCGT बद्दल समाधान व्यक्त केले. "SCGT हा एक चांगला ट्रस्ट आहे. खरंतर लॉक डाउनच्या काळात मी काहीसा निराश झालो होतो पण क्लब मुळे भावनिक सपोर्ट मिळाला आणि आपल्यामागे कोणीतरी भक्कमपणे उभे आहे असे जाणवले ! ",अशा शब्दात श्री इंगळे यांनी आपल्या भावना व्यक्त केल्या. 

सध्या श्री इंगळे या व्यवसायात नाहीत. परंतु SCGT Wakad चे सदस्य असताना त्यांना चाप्टर चा भरपूर फायदा झाला.

सदर क्लब हा महाराष्ट्रीयन उद्योजकांसाठी GET & GIVE या तत्वावर आधारित काम करतो. एकमेकांना सहाय्य केल्याने प्रत्येकाचाच व्यवसाय वाढणार आहे हे निश्चित.

कथा लेखक- योगीराज हरिश्चंद्र देवकर. SCGT-Wakad Chapter, Secretary.

Mob: 9307133134.

www.motivationacademy.in

निलेश कुलकर्णी, आकांक्षा हॉलिडेज

 सॅटरडे क्लब ग्लोबल ट्रस्ट-वाकड . सदस्यांची सक्सेस स्टोरी.

श्री निलेश कुलकर्णी - आकांक्षा हॉलिडेज प्रा.

श्री निलेश कुलकर्णी परीक्षा आकांक्षा हॉलिडेज प्रा. ही कंपनी पिंपरी-चिंचवड मध्ये सूचीबद्ध आहे. कंपनीच्या दहा विभागातील बारा कर्मचार्‍यांचे संक्षिप्त वर्णन.टिओटॉ सॉफ्टवेयर आणि ऑल स्क्रिप्ट, खराडी सिटी आयटी कंपनी या कार्यालयांचे कर्मचा वाहतूक्यांचा अनुभव. आपण शोधू शकता मार्केटमध्ये व्यवसाय करू शकता. सर्व चालू आनंद आणि सुरळीत चालू.

श्री कुलकर्णी हे Saturday Club Global Trust- Wakad Chapter चे  सदस्य आहेत.( Mob- 8087830007)  जवळपास सगळेच सदस्य क्लबच्या मीटिंग अटेंड करीत असत . क्लबने १८ मार्च २०२० रोजी क्लस्टर मीट आयोजित केली होती. परंतु कोव्हीड-19 मुळे  महाराष्ट्र शासनाने १५ मार्च पासूनच राज्यातील मोठ्या शहरात आपत्ती व्यवस्थापन कायदा २००५ आणि साथरोग नियंत्रण कायदा १८९७ लागू केला त्यामुळे सदर मीट रद्द झाली. २२ मार्च ला देशात जनता करफ्यु झाला , त्यापाठोपाठ लॉक डाउन सुरू झाला. लॉक डाउनचा परिणामस्वरूप आकांक्षा हॉलिडेज प्रा.ली. ला काम पुरविणाऱ्या दोन्ही कंपन्यांचे कामकाज बंद झाले आणि सर्व बसेस घरासमोर उभ्या राहिल्या, बारा कर्मचाऱ्यांच्या सेवेतही खंड पडला.

१५ मार्च ते १० ऑगस्ट पर्यंत दरमहा साडेपाच लाख ₹ बसेस चे EMI आणि कर्मचाऱ्यांचा पगार असा फिक्स्ड खर्च चालू होता आणि उत्पन्न मात्र शून्यावर आले होते. दोन महिन्यांतरच भांडवल संपले आणि बसेसचे EMI भरण्यासाठी स्वतःच्या बचतीमधील पैसे वापरण्याची वेळ आली. श्री कुलकर्णी यांच्यासाठी हा खूप कठीण काळ होता. जसजसा लॉक डाउन वन,टू,थ्री,फोर वाढत होता तसतसे घरासमोर उभ्या असलेल्या बसेसवर धूळ वाढत चालली होती आणि आपल्यासमोर नक्की काय भविष्य वाढून ठेवलंय हा विचार मनात येऊन भीती वाढत चालली होती. कधीनव्हे ते व्यवसायिक पातळीवर निरव शांतता झाली होती. 

एका बाजूला हे अघटित घडत असताना दुसऱ्या बाजूला मात्र Saturday Club Global Trust-SCGT आणि बाहेरील काही समव्यावसायिक मित्र मानसिक आधार आणि सहाय्य देण्यासाठी उपलब्ध होते. लॉक डाउनच्या काळात क्लबने नाविन्यपूर्ण उपक्रम राबविण्यास सुरुवात केली होती. SCGT Wakad हा व्हाट्सअप्प ग्रुप होताच त्यावर प्रत्येकाचे बिझनेस प्रोफाइल शेअरिंग सुरू झाले.२५ मार्च पासूनच SCGT च्या ऑन लाईन मीटिंग  सुरू झाल्या. १ एप्रिल पासून वाकड चापटर चे 'सहाय्य करू मिशन' सुरू झाले.क्लब मधील सदस्यांचे तीन गट केले गेले आणि प्रत्येकाला प्रेझेंटेशन ची संधी मिळू लागली. डिजिटल मीटिंग मुळे क्रॉस चापटर मीटिंग अटेंड करायची संधी उपलब्ध झाली. SCGT चे विविध विषयांवर वेबिनर सुरू झाले. यासर्व गोष्टींचा मानसिक संतुलन राखण्यास आणि आत्मविश्वास टिकून राहण्यास फार फायदा झाला. ऑन लाईन वन-टू-वन होत होते, मैत्री निर्माण होत होतो आणि परस्परामधील विश्वास वाढीला लागला होता.

आणि.....Saturday Club- Wakad Chapter मुळे श्री कुलकर्णी यांना पहिला break through मिळाला. श्री कौस्तुभ बाबर Saturday Club- Wakad चे ट्रेझरर आहेत. त्यांची फोर डायमेंशन बिल्डकॉन प्रा.ली. ही कंपनी आहे. श्री बाबर यांचे शापुरजी पालोनजी ग्रुप मधील उच्चपदस्थ अधिकाऱ्यांशी मैत्रीपूर्ण संबंध आहेत. त्यांच्यामुळे श्री कुलकर्णी यांना शापुरजी पालोनजी ग्रुपचा रेफेरन्स मिळाला आणि आकांक्षा हॉलिडेज प्रा.ली.चे चित्रच पालटले. लॉक डाउन लागल्यामुळे शापुरजी पालोनजी ग्रुपचे हजारो कामगार भारतातल्या वेगवेगळ्या राज्यात स्वतःच्या गावी गेले होते. महाराष्ट्रात अन लॉक सुरू झाला तसे त्या कामगारांना परत आणण्याचे काम सुरू झाले होते. तीन बस सप्लायर तिथे काम करीत होते , चौथा बस सप्लायर म्हणून आकांक्षा हॉलिडेज प्रा.ली. ला काम देण्यात आले.

कामगारांना प्रवासासाठी आवश्यक मेडिकल पास ची व्यवस्था शापुरजी पालोनजी ग्रुपने केली. लागलीच आकांक्षा हॉलिडेज प्रा.ली.ने बसेस परराज्यात नेहण्यासाठी E-passes काढले. वाहनांची सर्व कागदपत्र अद्ययावत केली. बसेस सँनेटाईज केल्या. ड्रायव्हर्सना कोरोना प्रबंधक सर्वनियम काटेकोरपणे पाळणे बंधनकारक केले. स्टेट बॉर्डर टॅक्स भरण्याची सोय केली आणि बसेस परराज्यात जाण्यासाठी सज्ज झाल्या.

ऑगस्ट आणि सप्टेंबर २०२० या दोन महिन्यात आकांक्षा हॉलिडेज प्रा.ली.ने शापुरजी पालोनजी  ग्रुपच्या २००० कामगारांना बिहार, उत्तर प्रदेश, पश्चिम बंगाल, मध्य प्रदेश, झारखंड, छत्तीसगड,कर्नाटक आणि तेलंगणा या राज्यातून महाराष्ट्रात पुणे आणि चंद्रपूर याठिकाणी आणले. त्यावेळी भारतात होत असलेली अतिवृष्टी,नदी-नाल्यांना आलेले पूर आणि त्यामुळे निर्माण झालेले अडथळे, बदलणारे वेळापत्रक,इ. यासर्व गोष्टीवर मात करून श्री बाबर आणि शापुरजी पालोनजी ग्रुपने दाखविलेला विश्वास सार्थ करून दाखविला. या कार्यात शापुरजी पालोनजी ग्रुपच्या टीमने फार मोठा सपोर्ट केला असे श्री कुलकर्णी आवर्जून सांगतात.

पैसा हे यशाचे मोजमाप करण्याचे एक साधन आहे. आकड्यातच बोलायचे झाले तर श्री कुलकर्णी यांनी केवळ दीड महिन्यात शापुरजी पालोनजी ग्रुपचा ९२ लाख रुपयांचा व्यवसाय केला. याशिवाय श्री बाबर यांनी त्यांच्या कंपनीचे कामही श्री कुलकर्णी यांना दिले त्याद्वारा १२ लाखाचा व्यवसाय केला. क्लब च्या इतर सदस्या मार्फतही त्यांनी ५-६ लाखाचा व्यवसाय केला. या अडचणीच्या काळात श्री कुलकर्णी यांना फक्त Saturday Club Wakad Chapter च्या माध्यमातून एक कोटी दहा लाख रुपयांचा व्यवसाय केला आहे.

श्री निलेश कुलकर्णी काय म्हणाले ते त्यांच्याच शब्दात, " श्री स्वप्नील कुलकर्णी सर मला Saturday Club चा मेंबर हो म्हणून तीन वर्षापासून मागे लागले होते. मला वाटायचं माझा व्यवसाय हा कार्पोरेट क्षेत्राशी निगडित आहे. क्लब मध्ये वैयक्तिक व्यवसाय करणारे उद्योजक जास्त असतात त्यामुळे क्लबचा मला विशेष फायदा होणार नाही. पण चला नवीन मित्र तर मिळतील म्हणून मागीलवर्षी मी मेंबर झालो. परस्परात विश्वास निर्माण झाला त्यातूनच मैत्री वाढली. एक सदस्य सौ भारती मुरकुटे मॅडम मुळे मला ऑफिसला जागा मिळाली. आता आम्ही पाच सदस्य एकत्र येऊन सर्वांना लवकरच एक मोठी बातमी देणार आहोत. सर्व सुरळीत चालू असताना हा व्यवसाय मिळाला असता तर त्याचे विशेष वाटले नसते पण अडचणीच्या काळात हा व्यवसाय मिळाला म्हणून त्याचे मोल फार मोठे आहे. मला व्यवसाय मिळाला त्यामुळे जसा माझा आत्मविश्वास वाढला तसेच मी इतर सदस्यांना व्यवसाय मिळवून दिला पाहिजे ही भावनापण वाढली. त्यातूनच मी श्री मयूर इंगळे यांना गिरीकंद ट्रॅव्हल्स मध्ये रेफरन्स दिला आणि आग्रहाने व्यवसाय पण मिळवून दिला आहे. धन्य आहेत ते कै. माधावरावजी भिडे सर ज्यांनी Saturday Club Global Trust ही संकल्पना प्रत्येक्षात आणली. त्यांच्यामुळेच महाराष्ट्रात माझ्यासारख्या हजारो उद्योजकांना व्यवसाय मिळत आहे. एकमेका सहाय्य करू अवघे होऊ श्रीमंत ही क्लबच्या प्रार्थनेतली ओळ इथे खरी ठरत आहे ! "

मराठी माणूस मराठी माणसाला सहाय्य करीत आहे ही कौतुकास्पद गोष्ट या क्लब मध्ये घडत आहे.

कथा लेखक- योगीराज हरिश्चंद्र देवकर. Saturday Club-Wakad Chapter , Secretary.

Mob 9307133134.

www.motivationacademy.in